SABBATH SCHOOL QUARTERLY LESSON 8

[rehel sausa]

Leksyon 8: Halin sa Pagkasalimpapaw Pakadto sa Pagtu-o: Ang Apostol nga si Pedro (Marcos 14, Juan 18 kag 21)
Ginpatpat sa Hilgaynon/Ilonggo ni Rehel J. Sausa
Ang English version sang sini nga balasahon makita sa www.gobible.org kon sa diin may ara man sang link halin sa amo nga website pakadto sa sini nga website.

Copr, 2008, Bruce N. Cameron J.D. Ang tanan nga mga teksto nga gingamit nagikan sa New International Version (NIV), copr 1973, 1978, 1984 International Bible Society, magluwas lang kun gin mensyonar gid. Ang tanan nga teksto halin sa NIV gingamit nga may pahanugot sa Zondervan Bible Publishers. Ang mga suggested nga mga sabat sang mga pamangkot makita sa sulod sang parentheses. Kon imo ini ginabaton pina-agi sa email, apang nakulangan ka sang isa ka seman, makita mo ini pianagi sa pag-click sa ini nga link: http://www,GoBible.org.



Pauna: May madumduman ka bala nga isa ka Kristiyano nga isa ka indi mayo nga saksi para kay Hesus? Wala ako nagatumod sa isa nga nagahambal lamang nahanugod sa Kristiyano. Ang buot ko silingon ang isa ka seryoso nga Kristohanon, apang indi makahibalo mahalobilo. The Kalibutan nagapanawag sa yadtong kabalo magpakighimbon sa iban, gintawag ini nila sa ingles nga “emotional intelligence,” Apang ang Bibliya nagatawag sini nga “wisdom ukon kina-alam.” Ang aton pagtu-on sa subong nga semana nahanungod kay Apostol Pedro nga may pagkakinahanglan sang pagtubo may kaangtanan sa iya nga “emotional intelligence.” Aton pagatan-awon kon ano bala ang aton matun-an nahanugud kau Pedro kag kun paano naton ma improver ang aton kaugalingon nga “emotional intelligence.”


I. Pagkamatutum tubtub sa Kamatayon: Ang Promisa


A. Sang nagligad nga semana aton natun-an kun paano si Simon Pedro kag Juan nagin disipolo ni Hesus. Kag karun aton usuyun ang mga naulihi nga mga inadlaw nga nagin kaupod sila ni Hesus sa duta. Basaha ang Marcos 14:26-29.
Nga-a ginhambal ni Hesus kon ano ang iya ginhimo kag nga-a ginhambal ni Pedro kon ano man ang iya ginhimo? (Si Hesus nagatumod sa Bibliya (Zacharias 13:7) kag gina-aplikar sa iya kaugalingon kag sa iya mga disipolo. Si Pedro nagpamatok nga kun ayhan ang ini nga Profisiya (ka gang ginhambal ni Hesus) na-aplikar man sa iya. Siya nagapati ang siya mas mayo, kag mas matutum sang sa iban.)

B. Basaha ang Marcos 14:30. Ano ang ginihimo ni Hesus agud ipakita ang kamatuoran sang iya ginpanghambal?(Si Hesus karon nagdugang sang iya kaugalingon nga profisiya, upod sini ang malip-ot nga tini-on kag detalye-sa sadto nga adlaw, antes magpama-ol ang sulof nga manok sang makaduha, si Pedro maga panginwala kay Hesus sang makatatlo ka beses.

C. Basaha ang Marcos 14:31. Ano ang kina-iya ni Pedro ang aton Makita diri? (Bugal, Determinasyon)


1. Ano nga emosyon ang aton Makita?

2. Basaha ang Hulobaton 12:15-16. Amo ini ang isa sa mga teksto nahanungod sa “emotional intelligence” suno sa Balaan nga Kasulatan. Ano nga mga laye ang imo makit-an diri, kag paano nga ginsupak ni Pedro ini? (Ginsugid ni Hesus kay Pedro ang nahanungud sa mahanabo sa palaabuton sang makaduha ka bese apang ini wala ginsapak ni Pedro. Gilayon nga ginpakita ni Pedro ang iya pagka iritar.)


a. Ano ayhan ang kinala-in sang palaabuton kun si Pedro nagsiling sang kaangay sini, “Gino-o, paano ini magahanabu, kag ano ayhan ang akon sarang nga mahimo para malikawan ini?”


3. Basaha ang Hulubaton 13:10. Paano ang bugal ka gang “emotional intelligence” sa pagbaton sang laygay nagakonpliktar sa isa kag isa?
D. Aton pagabasahon ang kasubong ng istorya sa sinulatan ni Lukas 22:35-36. Ini gilayaon nagasugid sang panugda-un ni Hesus kay Pedro nahanungod sa iya nga pagpangiwala. Sa sini nga bahin, nga-a ang espada mas labing importante sang sa panapton?


II. Pagkamatumtum tubtub sa Kamatayon: Ang Inaway

A. Basaha ang Juan 18-1-3. Wala pa gid madugay, nagpanugyan si Hesus kay Pedro nahanugod sa iya nga pagpanginwala. Sugiri ako kon ano ayhan ang nagsulod sa panghunahuna ni Pedro sang nakita niya si Hudas upod ang mga suldados? (Ini nagconfirmar sang profisya ni Hesus nga siya ipagatugyan sang isa sa iya nga mga disipolo. Wala sang pagduduha, si Pedro ay ayhan nagpanghunahuna sang kaangay sini “Amo na ini ang pagtilaw!”)

B. Basaha ang Juan 18:10. Sin-o ang husto sa isyu sang Pagpangiwala ni Pedro: Si Hesus ukon si Pedro? (Daw ginpamatud-an gid ni Pedro ang iya ginhambal-Siya handa sa pagpanginmatay kay Hesus. Nagtindug siya, Wala niya ginpangiwala si Hesus, Hinhugnot niya ang iya espada agud makigbato para sa iya Gino-o kag ginhandus pakadto sa representante sang mataas nga pari!)






III.Pagkamatumtum tubtub sa Kamatayon: Ang Libog


A. Basaha ang Juan 18:11. Ano na ayhan ang ginpanumdum ni Pedro karon? (Ayhan naglibog ang iya huna-huna. Iya napamatud-an nga sala si Hesus nahanugud sa iya nga pagkamatumtum, kag si Hesus nagsabdong sa iya! Iya nadumduman ang panugyan ni Hesus nahanungod sa espada kag indi lang kay ara sa iya, iya pa ini gingamit!)

1. Ano ayhan ang buot silingon ni Hesus sang naghambal siya sang kaangay sini “Ang cupa ang ginhatag sa akon sang Amay?” (Si Hesus nagatumod sa cupa (Marcos 14:20-24) kag sa pagpanginwala ni Pedro sa iya. Amo sini nga mga panghunahuna ang naga-gamo kay Pedro!)

B. Basaha ang Marcos 8:31-33. Ano ang causa kon nga-a si Pedro nabutang sa tunga sang gamo? (Amo man sa gihapon ang iya pagkakulang sang “emotional intelligence”. Ang iya bugal kag pagka-arogante nagin rason kun nga-a wala niya pagsapaka ang ginpanugya sa iya ni Hesus nahanugud sap ala-abuton.

1. Nalibog ayhan ang panghuna-huna ni Pedro kon nga-a iya nalipatan ang ini nga hitabo nga sa diin dapat siya nga mangin matumtum kay Hesus? (Ini isa ka daku nga leksyon para sa aton. Wala pagbatuna ni Pedro ang ideya nga si Hesus nagkari agud sa pagpakamatay. Gusto niya nga si Hesus ang magadumala. Bangud sini, iya ginpanghuna-huna nga ang pagkamatutum nagakahulugan sang pagpakigbato agud nga si Hesus ang magadumala.)

III. Pagkamatutum tubtub sa Kamatayon: Ang Kapaslawan

A. Magapadayon kita sa pagtu-on pina-agi sa pagbasa sang Juan 18:12-16. Paano si Pedro nakakadto sa hulot sang labing mataas nga sacerdote? (Si Juan (ang isa pa ka disipolo) naga pakigsugilanon sa isa ka nagabantay nga babaye amo nga nakasulod si Pedro.)

B. Basaha ang Juan 18:17. Kaangay sa sini bala nga kahimtangan gina ekspektar ni Pedro nga mag-abot sa iya ang pagtilaw sang pangpangiwala niya kay Hesus? (Maga-abot ini upod sang mga soldados samtang nagakapot siya sang espada. Indi kay sa wala armas nga babaye nga manugbatay.)


1. Makambal bala si Pedro nga ini indi patas? Wala pa bala natapos ang isyu sang pagpanginwala niya kay Hesus, sang ginhunos niya ang espada sa pagpakig-away?

2. Basaha ang Hulubaton 19:20-21. Paano ang ini nga mga laye sang “emotional intelligence” untani nakabulig kay Pedro? (Kon sang una nga higayon nga ginsabdong ni Hesus si Pedro nahanungud sa panalan-awon ni Pedro sang palaabuton (Marcos 8:31-33), kag ginbaton ni Pedro ang panugyan ni Hesus, ayhan iya naintyindihan ang tinutuyo ni Hesus kag kun paano niya (Pedro) ipatigayon ang iya bahin sa amo nga plano.Kon ginbaton ni Pedro ang panugyan ni Hesus nahanungod sa pala-abuton nga pagpanginwala, ayhan nakapangayo siya sang kaalam kon paano niya malikawan ang amo nga pagka di-matutum. Sa sini nga teksto, aton natun-an nga kun ano man ang aton plano sa kabuhi, sa ulihi ang kabubut-on sa Gino-o sa gihapon amo ang mangibabaw. Aton malikawan ang madamo nga kagamo pinaagi sa pagpamati sa Gino-o.

IV. Pagkamatutum tubtub sa Kamatayon: Ang Pagtubos

A. Basaha ang Juan 21:14-15. Ano ang kinalain, (kun may-ara gid man) ang imo nakita sa batasan ni Pedro? (Si Hesus naghatag importansya kay Pedro pinaagi sang pag comparer niya sa iya kaugalingon sa iban nga disipolo sa paghambal nga ang iyang paghigugma labaw sang sa iban nga mga disipolo. Ikumpara sa Marcos 14:29. Si Pedro wala naghambal nga siya mas mayo sang sa iban kon ang pagahambalan ang paghiguma niya kay Hesus.)

B. Basaha ang Juan 21:16. Ano bala ang buot ipagahangup kon nga-a ginpamangkot ni Hesus si Pedro sa ikaduha nga tini-on? (Ini nagapakita nga si Hesus indi sigurado nga matu-od ang una nga sabat ni Pedro.)


1. Ano ayhan ang imo panumdumon kon ikaw si Pedro? (Kon ako, makahunahuna ako sang akon di pagkamatutum sadto. AKo nakahibalo nga si Hesus nakadumdum gid sang akon kapaslawan, kag kaangay nga gingisi ang akon kasing-kasing)

C. Basaha ang juan 21:17. Ang teksto nagacomfirmar sang balatyagon ni Pedro. Ano nga argument ang ginplastar ni Pedro kay Hesus sa sini nga tini-on mangin matutum nag id siya? (Wala gid man siya nagba-is, simple siya nga naghambal “Gino-o ikaw gid ang nakahibalo sang tanan nga butang.” Busa, ikaw nakahibalo kun bala ako nagsugid sang matu-od ukon indi. Ikaw nakahibalo kon bala ako mangin matutum ukon indi. Ginahigugma ko gid ikaw kag akon tinutuyo nga mgain matutum.
D. Basaha ang Juan 21:18-19. Ano ayhan ang ipagahambal sa sini nga mga dinalan ni Pedro sa sadtong una? (Basaha liwat ang Marcos 8:31-33. Naghambal si Hesus kay Pedro nga siya pagapatyon sa mga kamot sang iban. Ang dinalan nga “ipagauntay mo ang imo mga kamot” nagkahulugan sang paglangsang sa cruz. “ Ang tradisyon sang iglesia sadtong una nga mga panahon nagasuportar sang kaangay sini nga kamatayon para kay Pedro.” Wycliffe Bible Commentary. Ang Pedro sang sadtong una, ayhan magasabdong kay Hesus-wala sang bisan isa nga mapatay-tanan sila ang magadumala.



E. Abyan, kamusta ikaw? Ginasunod mo bala ang laye sang Bibliya nahanugod sang “emotional intelligence” kag ginapa-iway ang bugal kag ginabaton ang mga paglaygay? Ginabaton mo bala ang mga tinaga sang Diyos sang sa imo nga mga kaugalingo nga lalambuton kag pagpili? Ukon, kinahanglan pa ang ispirituhanon nga kapaslawan para ikaw patudlu-an sang leksyon kaangay sang natun-an ni Pedro?

VI. Sa madason nga seman: Ang haligi sang Misyon: Ang Apostol nga si Pedro.